Sekretari Amerikan i Shtetit, Marco Rubio, tha në një intervistë sot se negociatat e vazhdueshme midis Hamasit dhe Izraelit nuk janë ende fundi i luftës.
Ai shpjegoi se krijimi i një organi qeverisës për Gazën “nuk mund të bëhet brenda pak ditësh”, por siguroi se ekziston një plan në vend.
I pyetur nga gazetarja Kristen Welker nëse bisedimet e paqes shënuan fundin e luftës në Gaza, Rubio u përgjigj:
“Ende jo. Ka ende punë për t’u bërë”.
Deklaratat e tij vijnë ndërsa Izraeli dhe Hamasi duket se po i afrohen më shumë zbatimit të planit të paqes të propozuar nga Donald Trump.
“Të gjithë kanë rënë dakord, përfshirë Izraelin, që në një moment të procesit, Gaza do të drejtohet nga një grup teknokratik palestinez që nuk është Hamasi dhe nuk përfshin terroristë, me ndihmën dhe udhëzimin e një konsorciumi ndërkombëtar, siç është Këshilli i Paqes”, tha Rubio, duke përsëritur frymën e planit.
Ai tha se bisedimet tani janë përqendruar në çështje praktike të zbatimit të marrëveshjes, siç është afati kohor për lirimin e pengjeve dhe krijimi i një udhëheqjeje të re palestineze.
“Duhet të gjendet një mënyrë për të formuar një udhëheqje teknokratike palestineze që nuk është e lidhur me Hamasin dhe terrorizmin, me ndihmën e bashkësisë ndërkombëtare”, theksoi ministri amerikan. “Dhe në të njëjtën kohë, të çarmatosen grupet e armatosura që do të përpiqeshin të sulmonin përsëri Izraelin”.
I pyetur nëse lirimet e para të pengjeve mund të ndodhin brenda javës, Rubio u përgjigj:
