Forcat Shqiponja kanë ndaluar një mjet për ta kontrolluar tek Liqeni i Thatë, por drejtuesi, 31-vjeçari me iniciale I .K., ka ikur me shpejtësi sapo është informuar se do ti ushtrohej kontroll.
I riu ka përplasur edhe disa mjete të tjera për shkak të shpejtësisë me të cilën lëvizte, ku kanë mbetur të plagosur dy persona.
Policia njofton se drejtuesi i mjetit është kapur pas ndjekjes dhe i është gjetur një armë zjarri me vete.
“Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.
Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë.
Infomacion më të detajuar do të jepet në përfundim të veprimeve proceduriale.”- njofton policia.
