Policia e Lezhës ka arrestuar një 38-vjeçar që posedonte armë zjarri dhe municion luftarak pa leje.
I arrestuari është shtetasi B. N., 38 vjeç, banues në fshatin Pllanë, i cili akuzohet për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit të ushtruar nga shërbimet e Komisariatit të Policisë Lezhë, në bashkëpunim me Forcat e Posaçme “Shqiponja”, janë gjetur dhe sekuestruar 1 pistoletë, 1 pushkë, 1 armë gjahu dhe sasi municioni luftarak, të cilat u morën në cilësinë e provës materiale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme.
