Policia e Lushnjës ka vënë në pranga dy shtetas, kushërinj me njëri-tjetrin, të dyshuar për ushtrim dhune ndaj një 52-vjeçari.
Në pranga kanë rënë Enea Zhuri, 35 vjeç dhe Marjo Zhuri, 31 vjeç, banues në fshatin Qerret i Ri.
Hetimet paraprake tregojnë se, për motive të dobëta, ata kanë goditur me grushte dhe sende të forta shtetasin A. Gj., 52 vjeç, banues në fshatin Jeta e Re. Ky i fundit ndodhet në spital, nën kujdesin e mjekëve.
Ngjarja ndodhi ditën e djeshme në një lokal në lagjen “Gafurr Muço” të qytetit, ku pas njoftimit policia shkoi dhe arrestoi në flagrancë dy autorët e dyshuar.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për vijimin e hetimeve.
