Mbreti Abdullah i Jordanisë do të marrë pjesë në një takim ndërkombëtar që do të mbahet në Tiranë javën e ardhshme, si pjesë e “Takimeve Aqaba”, për të diskutuar përpjekjet në luftën kundër terrorizimit.
Sipas një deklaratë të bërë publike nga Pallati Mbretëror, mbledhja do të mbahet për herë të parë jashtë Jordanisë, në Tiranë, dhe do të ketë në fokus sfidat e sigurisë së vendeve të Ballkanit Perëndimor, duke përfshirë zyrtarë dhe politikanë të disa vendeve si edhe partnerë ndërkombëtar dhe të BE-së.
Madhëria e tij dhe kryeministri Edi Rama gjithashtu do të marrin pjesë në konferencën kushtuar luftës së ekstremizmit, të organizuar nga qeveria shqiptare dhe holandeze, në prani të krerëve të qeverive të Kosovës, Maqedonisë , Bullgarisë, si edhe 200 përfaqësuesve politik, fetar dhe akademik.
“Takimet Aqaba” të lançuara nga Mbreti Abdullah në 2015-ën, kanë për qëllim rritjen e sigurisë dhe koordinimit ushtarak, bashkëpunimit për shkëmbimin e përvojave dhe inteligjencën mes partnerëve rajonal dhe ndërkombëtar për të luftuar terrorizmin me një qasje holistike.
