Bayern Munich shkon në gjysmëfinale. Megjithëse rrezikuan në pjesën e parë duke rënë në disavantazh, arritën të barazonin dhe të kalonin në epërsi me anë të Vidal dhe Muller. Benfica arrin të barazojë në fund të pjesës së dytë por nuk ka fuqinë sulmuese për të përmbysur. Bavarezët arrijnë të skualifikojnë për të katërtën herë ekipin portugez nga një fazë eliminatore në Evropë. Megjithëse lënia jashtë e Lewandowski-t krijoi shumë trazira, mesa duket Pep Guardiola e kishte menduar mirë ndeshjen, duke i dhënë disa minuta në fund polakut.
Bayern i bashkohet Real Madrid, Manchester City dhe Atletico Madrid në gjysmëfinalen e Champions League. Pjesa I Një atmosferë spektakolare në “Estadio da Luz”, tifozët vendas janë gati të mbështesin ekipin e tyre deri në fund. Surpriza më e madhe e Guardiola-s është pa dyshim lënia jashtë e Lewandowski-t. Mbetet për t’u parë se si do të sillet Muller i vetëm në sulm. Rasti i parë i ndeshjes i përket Bavarezëve, Muller godet nga brenda zonës pas një pasimi nga e djathta, por topi përfundon jashtë. Me kalimin e minutave miqtë bëhen më të guximshëm, si pasojë edhe sulmet bëhen më të shpeshta. Rasti i radhës vjen nga Vidal, i cili pranë portës godet me kokë, por goditja është shumë e dobët dhe përfundon në duart e portierit. Por është Benfica që shënon!
Goli ka nisur nga një top i gjatë brenda në zonë, mbrojtja e Bayern është vendosur shumë keq dhe sulmue si i vetëm që ndodhet mes dy mbrojtësve godet me kokë duke shënuar. 1:0, Jimenez hap ndeshjen. vetëm dy minuta më pas Benfica ka mundësi të dyfishojë rezultatin por goditja e Jimenez këtë herë është qendrore dhe e lehtë për Neuer. Zgjohet Bayern, në minutën e 38-të është Arturo Vidal që shënon pasojë topi të ardhur nga zona, “King Arturo” godet fuqishëm dhe shënon nga jashtë zone. Pjesa e parë përfundon me rezultatin barabartë. S.L.
Bayern mesa duket kanë zënë mend nga paraqitja e pjesës së parë dhe sulmojnë më shumë për të gjetur golin e qetësisë. Dhe nuk vonon. Javi Martines pason me kokë topin për Thomas Muller, i cili me portë bosh e ka shumë të thjeshtë të kalojë miqtë në avantazh. Bayern ka çdo gjë nën kontroll. Benfica duket si e dorëzuar, i mungon fuqia sulmuese, teksa Bayern janë në kërkim të golit të tretë. Miqtë për pak sa nuk shënojnë prapë me anë të Vidal pas një gabimi të portierit por bavarezë duhet të kënaqen me një goditje këndore. Zgjohet Benfica. Në minutën e 77-të Anderson Talisca shënon një super gol nga një goditje dënim 24 metra larg portës. Portugezët shpresojnë.
