FIFA ka prezantuar topin zyrtar të Kupës së Botës 2026, Trionda, e cila përfaqëson bashkëpunimin e tre vendeve mikpritëse dhe është krijuar përmes teknologjisë së avancuar.
Emri spanjoll i topit të krijuar nga Adidas do të thotë “tri dallgë”, çka i referohet Kanadasë, Meksikës dhe SHBA-ve që për herë të parë do të organizojnë së bashku spektaklin më të madh të futbollit.
Ngjyrat të kuqe, të gjelbër dhe blu nderojnë secilin vend, kurse vijëzimi krijon një lloj forme gjeometrike të valëzuar.
Trionda përmban simbolet kombëtare të çdo shteti mikpritës, gjethen e panjës së Kanadasë, shqiponjën e Meksikës dhe yllin e SHBA-ve, kurse disa vijëzime të arta simbolizojnë trofeun e Botërorit.
FIFA thotë se përtej pamjes, teknologjia është e fjalës së fundit pasi qepjet e thella garantojnë qëndrueshmëri optimale gjatë gjuajtjeve dhe relievet ndihmojnë fërkimin në mot të lagësht.
Topi ka një çip me sensorë 500 Hz që ndjek lëvizjen në kohë reale duke u dërguar të dhëna të sakta arbitrave për t’i ndihmuar me vendimmarrjet.
Zbulimi i topit zyrtar vjen pas atij të maskitave. Turneu i Botërorit do të nisë në Uashington DC më 5 dhjetor 2025.
