Gazetarja Klodiana Lala ka deklaruar në emisionin “Kjo Javë” në News 24 se ish-kryebashkiaku i Tiranës, Erion Veliaj, zotëron informacione të rëndësishme që, sipas saj, “mund të përmbysin qeverinë”.
Sipas Lalës, Veliaj nuk pritet të flasë, pasi nuk ndodhet në një pozitë të favorshme.
“Veliaj ka qenë njeriu i dytë më i pushtetshëm në vend. Ai ka shumë informacion, sepse ka drejtuar për një kohë të gjatë Bashkinë më të madhe në Shqipëri. Por nuk ka për të folur kurrë,” u shpreh gazetarja.
Ajo shtoi se, nëse do të kishte bashkëpunuar më herët me prokurorët e SPAK, Veliaj mund të kishte përfituar statusin e të penduarit, por tashmë ndodhet në një situatë krejt tjetër.
