Kreu i KQZ, Ilirjan Celibashi, në një konferencë për mediat ku foli për zgjedhjet e pjesshme që do të mbahen më 9 nëntor për kryetarë të bashkive në 6 bashki, tha se kosto përllogaritet të jetë rreth 306 mln lekë.
Celibashi tha se pas dy ditësh KQZ do të publikojë buxhetin ekzakt të këtyre zgjedhjeve.
“Po japim disa informacione dhe të dhëna në lidhje me përgatitjet për zgjedhjet e pjesshme për kryetarë të bashkive Vlorë, Tiranë, Tepelenë, Mat, Cërrik ,Berat. Tani që kemi datën e zgjedhjeve KQZ është në fazën intensive për këtë proces zgjedhor. Për dijeninë tuaj dhe të publikut për Tiranën janë 13 KZAZ ose 954 QV, për Vlorën janë 4 KZAZ dhe 232 QV, për bashkinë Tepelenë është 1 KZAZ dhe 22 QV, Mat 1 KZAZ dhe 47 QZ, Cërrik 1 KZAZ dhe 57 QV, Berat 2 KZAZ dhe 116 QV.
Pra në total janë 22 KZAZ dhe 1428 qendra votimi ku do votohet për këto 6 bashki. Kemi numrin e zgjedhësve , 992 103 zgjedhës që kanë qenë në listën e zgjedhësve të këtyre 6 bashkive në zgjedhjet e 11 Majit. Tirana ka 683 116 zgjedhës të regjistruar për zgjedhjet e 11 majit.
Në një vlerësim paraprak që i kemi bërë kostove të këtyre zgjedhjeve, duke përfshire personelin që do të angazhohet identifikimin elektronik dhe gjithë pjesën tjetër të logjistikës zgjedhore kemi një vlerë te rreth 306 mln lekë përafërsisht. Deri pasnesër do të kemi të finalizuar buxhetin për këto zgjedhje.”– tha Celibashi.
