Një 35-vjeçar me banim në Tiranë është arrestuar në flagrancë në zonën e Himarës.
Gjatë kontrollit fizik dhe të automjetit që ai drejtonte, iu sekuestruan 91 doza kokainë dhe 9 doza kanabis, të ndara dhe gati për shitje.
Dyshohet se i arrestuari siguronte lëndët narkotike dhe i paketonte në doza të vogla për t’i shpërndarë në zonë.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme ligjore. Hetimet vijojnë për të zbardhur rrjetin e mundshëm të shpërndarjes.
