Një mbështetës i ISIS ka pranuar fajin se u ka bërë thirrje miqve të tij xhihadistë, të sulmonin princin George.
Husnain Rashid, 32 vjeç, kishte përdorur aplikacionin Telegram për të shpërndarë thirrjen, si edhe ka postuar sugjerime sesi terroristët të sulmonin stadiumet e futbollit.
Rashid, nga Leonard Street në Nelson, Lancashire, e kishte mohuar fajin gjatë gjithë procesit në Woolwich Crown Court, por kishte ndryshuar mendjen gati dy javë para në gjyqit të tij.
Ai u ri-akuzua dhe u deklarua fajtor për tre akuza të angazhimit në përgatitjen e akteve terroriste dhe një akuzë për nxitjen e terrorizmit.
Dy akuzat për shpërndarjen e një botimi terrorist dhe një nga mosrespektimi i një njoftimi sipas Rregullores së Aktit të Hetimeve Hetues do të parashtrohen në dosje.
Gjykatësi Andrew Lees i tha Rashidit se kishte dëgjuar “deklaratat më shqetësuese. Është e pashmangshme që ju të merrni një dënim të gjatë dhe mund të jepet dënimi me burg të përjetshëm”.
Rashid do të dënohet më 28 qershor.
