Tre adoleshente janë plagosur me thikë ditën e sotme pranë gjimnazit “Ibrahim Rugova” në Kamëz. Dy prej tyre, me inicialet A.L. dhe B.T., janë dërguar me urgjencë në spitalin e Traumës në Tiranë, pasi kanë marrë dëmtime serioze në kraharor. Një tjetër bashkëmoshatare ka pësuar vetëm lëndime të lehta.
Sherri fillimisht ka nisur brenda oborrit të shkollës dhe më pas ka përfunduar jashtë, ku nxënëset janë përplasur me thika. Në konflikt kanë qenë të përfshirë rreth pesë nxënës.
Aktualisht, dy 16-vjeçarët e plagosur ndodhen në sallën e urgjencës dhe po ekzaminohen nga mjekët.
