Reperi i njohur shqiptar nga Kosova, Buta, është paraqitur sot në Gjykatën e Ferizajt, ku po hetohet për akuzat e shitjes së lëndëve narkotike dhe armëmbajtje pa leje.
Gjatë seancës, Buta kërkoi lirimin nga paraburgimi, duke argumentuar se është i vetmi mashkull në familje dhe mbështet të afërmit e tij. Ai deklaroi:
“Jam i vetmi mashkull në familje dhe kujdesëm për nënën 63-vjeçare, vajzën 1 vjeçe si dhe gruan, të cilat pa mua nuk munden t’i kryejnë nevojat bazike.”
Avokati i tij kërkoi që të merret parasysh kjo situatë familjare dhe të lejohet vazhdimi i hetimeve në gjendje të lirë, duke u fokusuar në sigurimin e prezencës së tij gjatë procedurave të mëtejshme.
