Një 38-vjeçar nga Laçi është arrestuar nga policia, pasi dyshohet se ka kërcënuar motrën e tij me thikë.
Në njoftimin e policisë bëhet me dije se ngjarja ka ndodhur pas një konflikti për motive të dobëta.
“Specialistët për Hetimin e Krimeve të Komisariatit të Policisë Kurbin arrestuan në flagrancë shtetasin A. Gj., 38 vjeç, banues në Laç, pasi dyshohet se ka kanosur me thikë motrën e tij, për motive të dobëta. Thika u sekuestrua në cilësinë e provës materiale”, njoftoi policia.
