Deputeti demokrat Luçiano Boçi ka kritikuar maxhorancën për sjelljen e saj në parlament. Ai theksoi se ky institucion është shndërruar në një “dyqan” ku po kalohen ligje, që shkojnë kundër interesit të qytetarëve. Boçi akuzoi qeverinë për miratimin e “ligjeve të pista”, që sipas tij, kanë si qëllim të dëmtojnë popullin.
Boçi gjithashtu vuri theksin te fakti që parlamenti po humbet funksionin e tij real dhe po bëhet vend i pazareve të pista.
Luçiano Boçi: Kur na e keni dhënë fjalën ju ne? Ju keni hequr pikën, që në seancë mund të debatohet. E keni kthyer parlamentin, si dyqan, pronari i së cilës pastron para dhe përzë dhe njerëzit se nuk ka interes.
E hapni parlamentin dhe sajoni ligje të pista, thika të pista kundër qytetarëve. Ju po hiqni arsyen dhe po vendosni çmendurinë.
