Kreu i Partisë Demokratike, Sali Berisha, ka paralajmëruar se presidenti i Shqipërisë, Bajram Begaj, do të firmosë sot për datën e zgjedhjeve për bashkinë e Tiranës
“Prisni nga ora 13:00, kukulla në Presidencë e Ramës do të firmosë për datën e zgjedhjeve”, tha Berisha.
Ai komentoi edhe ankimimin në Kushtetuese të kryebashkiakut të Tiranës, Erion Veliaj, pas shkarkimit të tij.
Sipas Berishës, përpjekjet e kryeministrit Edi Rama për të arritur një marrëveshje me Veliajn që të mos drejtohej në gjykatë dështuan.
Sali Berisha: Edi Rama pasi i futi Gjushin në qeli, pasi bëri çdo përpjekje për të bërë pazar me Erion Veliaj që të pranojë shkarkimin dhe të mos i drejtohet Gjykatës Kushtetuese, duket se dështoi në këtë përpjekje.
Duket se Veliaj nuk e pranoi marrëveshjen. Sot është ditë e hënë, prisni nga ora 13:00, kukulla në Presidencë e Ramës do të firmosë për datën e zgjedhjeve.
