Një ngjarje tragjike ka ndodhur në një shfaqje cirku në qytetin Bautzen, lindje e Gjermanisë, ku akrobatja spanjolle Marina B., 27 vjeçe, humbi jetën pasi ra nga një lartësi prej pesë metrash gjatë një performance solo në trapez. Ngjarja ndodhi para rreth 100 spektatorëve, shumë prej të cilëve ishin familje me fëmijë.
Sipas dëshmitarëve, publiku shpërtheu në britma teksa Marina ra në dysheme, ndërsa stafi i cirkut dhe emergjencat mbërritën menjëherë në vendngjarje, por ajo ndërroi jetë në vend si pasojë e plagëve. Policia konfirmoi se Marina nuk kishte përdorur litar sigurie, por sipas rregullave nuk ishte e detyruar ta përdorte.
Circus Paul Busch anuloi të gjitha shfaqjet e planifikuara dhe vendosi të mbyllë cirkun për disa ditë. Marina kishte mbi 10 vite përvojë në cirk dhe ishte e apasionuar pas artit të akrobacisë.
Kryetari i bashkisë së Bautzen, Karten Vogt, shprehu ngushëllimet më të sinqerta për familjen dhe të afërmit e akrobates.
