Në një moment të rëndë për familjen e Gjestit, Xhenneta Fetahu ka bërë një apel publik për respekt dhe mëshirë ndaj dhimbjes së tyre, pas varrimit të vëllait të tij.
Përmes një postimi në rrjete sociale, ajo shprehu shqetësimin që ceremonia e varrimit është shndërruar në skena filmimesh dhe postimesh online, duke rënduar plagën e familjes.
“Në emër të gjithë atyre që e ndjejnë këtë humbje, dua të falënderoj familjen e Gjestit për mikpritjen dhe përzemërsinë që treguan në këtë ditë kaq të rëndë. Apeli im është i qartë: mos i ndani videot dhe fotot nga varrimi. Lëreni dhimbjen të mbetet aty ku është brenda atyre që po e përjetojnë, jo në duart e rrjeteve sociale,” shkroi Fetahu.
Në përfundim, ajo uroi që Zoti t’i japë forcë dhe durim familjes së Gjestit dhe kërkoi nga të gjithë pak njerëzi: “Nuk po ju lypim gjë tjetër, veçse respekt për ata që po vuajnë.”
Varrimi i djeshëm u shpërnda gjerësisht në rrjetet sociale, duke nxitur thirrje për të ruajtur privatësinë dhe dhimbjen e familjes në këtë moment të vështirë.
