Deputetja Ina Zhupa ka kërkuar sot në Kuvend që seanca plenare për prezantimin e programit të qeverisë të përsëritet, duke theksuar se procesverbali i seancës së kaluar nuk pasqyron realitetin.
Zhupa akuzoi kryetarin e Kuvendit, Niko Peleshi, për ndërprerjen e seancës së kaluar pas 25 minutash tensioni me opozitën, duke e cilësuar “ushtar të autokratit Rama”.
Ajo theksoi se procedura duhet të zhvillohet sipas Kushtetutës, duke garantuar të drejtën e deputetëve për pyetje dhe debat parlamentar mbi programin qeverisës.
“Të zhvilloni procedurën siç e kërkon kushtetuta, të drejtën për ti bërë pyetje kryeministrit, debat parlamentar. Ju keni zbardhur një procesverbal që nuk tregon realitetin. Ju ftoj të nënvizoni me të zezë fjalën kërcënuese teksa u urdhëruat të mbyllni seancën. Këtu kemi një autokrat që mendon hallet e veta dhe nuk duron dot debatin parlamentar. Ajo seancë duhet të përsëritet për programin, dhe të gjithë deputetët të flasin për interesin publik. Mos e miratoni procesverbalin”, tha Zhupa.
