Qeveria italiane ka bërë të ditur se është e gatshme të shqyrtojë njohjen e shtetit të Palestinës, por vetëm nëse plotësohen dy kushte thelbësore: lirimi i të gjithë pengjeve dhe përjashtimi i Hamasit nga çdo proces apo strukturë qeverisëse në territorin palestinez.
Lajmi u bë publik përmes deklaratave nga mazhoranca parlamentare, e cila pritet të paraqesë një mocion zyrtar në Dhomën e Deputetëve me këto dy kërkesa si parakushte për njohjen zyrtare.
“Duhet të kuptojmë cilat janë prioritetet,” deklaroi një përfaqësuese e shumicës. “Unë nuk jam kundër njohjes së Palestinës, por kjo duhet të bëhet me qartësi dhe me standarde.
Shpresoj që ky pozicion të gjejë mbështetje edhe nga opozita; sigurisht që nuk do të gjejë mbështetje nga Hamasi apo ekstremistët islamikë, por duhet të ketë mbështetje nga ata që mendojnë me përgjegjësi.”
Ky qëndrim vjen në një kohë kur disa vende evropiane po rishikojnë qëndrimin e tyre ndaj konfliktit izraelito-palestinez dhe po shqyrtojnë mundësinë e njohjes zyrtare të Palestinës si shtet sovran.
