Ylli Kiçi është nga ata pak të rinj që ende punon tokat e fshatit Sulzotaj të Lushnjës, sot ai po shet ngarkesën e parë më speca, ndërkohë që realiteti duhet të ishte ndryshe, ai duhet të kish shitur më shumë se gjysmën e prodhimit.
Në një sipërfaqe toke prej 13 dynymësh ai ka zgjedhur të mbjellë speca për mbushje, ky produkt një vit më parë i dha fitimin e duhur.
Por bllokimi i specave me kimikate në shtetin slloven, solli menjëherë pasojë në tregun tonë, eksportuesit thonë që specat nga Shqipëria po kërkohen gjithmonë e më pak nga konsumatori europian sepse ato cilësohen tashmë si prodhime jo të shëndetshme, ku në vend të vlerave ushqimore janë të pasura me helme që vrasin.
Dhe fajin për këtë sipas bujkut 33-vjeçar e kanë dy fermerët e fshatit Zharrës që spërkaten specat mbi norme me tre lloje kimikatesh.
“Tani kam 13 dynym sera më spec për mbushje prej 5 vitesh eksportoj në të gjithë botën, këtë vit kam mbetur stok, sepse doli njëri në Fier që spërkaste specat dhe ja ku jemi. Sot është shitja e parë, duhet të kisha shit tre duar deri më tani”, tha Ylli Kiçi.
Të vetmet produkte që po kërkohen nga grumbulluesit janë ato që rriten pa helme, por raste të tilla numërohen pak në fshatin e Yllit që do tokën dhe bujqësinë.
“Eksportuesit thonë që ne jemi gati për treg vetëm për ata fermerë që përdorin insektet (kontrollin biologjik), por në fshatin tim vetëm unë jam që përdor insekte, ku e mbush dot një trail unë. Fermerët nuk janë të sinqertë dhe për këtë arsye përfunduam këtu”.
Fermeri thotë se lajmet jo të mira për prodhimet shqiptare, rrezikojnë ta dërgojnë atë drejt falimintimit, sepse ccmimi i kërkuar për produktin pa helme është shumë herë më I lirë se kostot e prodhimit.
“ Specin e kam bio, me spërkatje ejani dhe bëni analiza. Sot po e kërkojnë 70 lekë për kilogram, kur vjet në këtë kohë speci ka qenë 100 lekë për kilogrami. Për një person digjemi të gjithë. I bëj thirrje shteti të mari masa se janë 13 dynym me sera ose të marrim çantat dhe të ikim”.
Abuzimi i kimikate nis që në dyert e farmacive bujqësore, që tregtojnë pesticide të rrezikshme që nuk janë pjesë e BE, e më pas vazhdon me fermerët të cilët sa herë që gjejnë tregun, nuk respektojnë karencën dhe frekuencën e spërkatjes.
Dhe fajin për këtë e Ministria e Bujqësisë, e cila jo vetëm të edukojë dhe informojë fermerin, por mbi të gjitha duhet të ushtrojë kontroll në bizneset e preparateve bujqësore.
