Ministria e Punëve të Brendshme ka një drejtim të ri, me prezantimin e Albana Koçiut si e para grua në krye të këtij dikasteri. Por, ndërsa kryeministri Edi Rama e quajti këtë një moment historik dhe foli për “ndryshime rrënjësore”, deklaratat e tij hapin më shumë pyetje sesa japin përgjigje.
Rama u shpreh se ministria nuk duhet parë thjesht si institucioni i policisë, por si një strukturë që duhet të funksionojë sipas standardeve evropiane, duke përfshirë edhe shërbimin zjarrfikës dhe sistemin e adresave. Por menjëherë lind pyetja: ku ishte ky vizion për 12 vite rresht?
Kryeministri foli për mungesën e një sistemi funksional të adresave dhe për nevojën urgjente të riorganizimit të shërbimit zjarrfikës. Ndërkohë gjatë verës, kur Shqipëria digjej nga veriu në jug, Rama nuk pranonte problemet me mjetet e zjarrfikësve. Sot, kur pasojat janë ende të freskëta, ai pranon hapur se shërbimi zjarrfikës ka qenë në plan të dytë për dekada.
Deklaratat e tij se “ministri i Brendshëm nuk është kryepolici i vendit” tingëllojnë si një autokritikë e vonuar, që ngre një tjetër pyetje: pse duhej të kalonin 12 vite në pushtet që Rama të kuptonte rolin real të Ministrisë së Brendshme?
“Punët e brendshme nuk janë kurrësesi thjesht dhe vetëm punët e policisë së shtetit, pavarësisht se zë sferën më të madhe të punëve të brendshme. Por ka ardhur koha që askush të mos verë në diskutim as faktin tjetër që ligji yne dhe praktika e kudondodhur e thonë, Ministria e Punëve të Brendshme, nuk bën punë policore dhe ministri nuk është kryepolici i vendit. Për një sërë nevojash të mëdha serioze të paadresuara prej dekadash, ndryshimi radikal I profilit të ministrit të punëve të brendshme është pikënisja e ndryshimit që ministrja duhet të sjellë në mbarëvajtjen e punëve të brendshme.
Si rezultat i fokusimit të kësaj ministrie, ekskluzivisht te policia, sot e gjithë ditën 35 vjet transformime demogradike, që nga Tirana që janë sot shumë më të mëdha sec ishin 35 vite më parë, nuk e kemi ende një sistem funksional integral adresash. Ende sot, na e gjejnë shtëpinë me të pyetur apo me shenja në rrugë. Lum ata që kanë pallat me shigjeta, ose sot kemi një sistem të prapambetur zjarrfikësash me gjithë ndryshimet e pamohueshme që kanë ndodhur por në këtë mandate të katër duhet të na interesojnë ndryshimet që duhet të ndodhi, zjarrfikësat janë lënë në plan të dytë. Problemi më i madh sot i shfaqur qartësisht në verën që po kalon dhe do jetë problem qëndror në vitet në vijim janë zjarret.
Duke patur parasysh se cfare ka kaluar Shqipëria është e natyrshme që Policia të ishte për shumë vite sic eta e ministrit të Brendshëm. Një vend që kishte mbi 100 e kusur vrasje në vit mesatarisht apo ku ringritja e policisë së shtetit kur ne nisim punën në 2013 e bënin policinë prirotetin e prioriteteve, por tanimë janë pjekur kushtet që të bëjmë një kapërcim të rëndësishëm. Parametrat e rendit publik janë konsoliduar brenda normave të BE, të paktën të gjysmës së poshtme dhe janë të tjera punë të brendshme që kërkojnë punë të shtuar, duke nisur nga puna këtu. Ndj ministria e Brendshme duhet ngritur në një lartësi të re dhe të orientojë drejtimin e punëve të brendshme sin ë cdo vend të BE,” tha Rama.
