Ëndrra për tu bërë futbollist profesionist nuk është shuar për kampionin olimpik, Usain Bolt. Sprintieri xhamajkan është bashkuar me skuadrën norvegjeze, Stromsgodset, ku ka nisur stërvitjen për të qënë i gatshëm për të marrë pjesë në një ndeshje miqësore me kombëtaren e 19 vjeçarëve të Norvegjisë.
“Ndoshta një klub do të shohë diçka dhe do të vendosë të më japë një shans.”-tha Bolt.
Ndërkohë me superlativa për Bolt ka folur dhe drejtori sportiv i norvegjezëve, Jostein Flo.
“Ai është një futbollist i mirë, përndryshe ai nuk do të ishte trajnuar me ne, Ne u thamë atyre se një lojtar po vinte në provë dhe se ai ishte i mallkuar shpejt – dera u hap dhe Bolt hyri. Ishte një tronditje për ta, ata nuk mund ta besonin .Ai është një nga atletët më të mëdhenj në të gjitha moshat, dhe sigurisht që mund të mësojmë shumë prej tij. Prania e tij pa dyshim do të jetë një frymëzim i madh për lojtarët, trajnerët dhe të gjithë klubin.”– përfundoi Flo.
Gjithashtu, Flo tha se Bolt do të mbaj fanellën me numër 9.58, që është dhe rekordi botërore i tij në 100 metra.
Bolt, ka folur më parë për të dashur të hyjë në futbollin profesionist, pasi ka dalë në pension nga atletika vitin e kaluar, ku është stërvitur me Borussia Dortmund dhe Sundowns të Afrikës së Jugut. Në ndeshjen e 10 qershor në “Old Trafford”, Bolt do të mbajë dhe shiritin e kapitenit.
