Mjafton të bëni një kërkim të thjeshtë në Instagramin e Morena Tarakut për të parë se kjo e fundit bën një jetë shumë luksoze.
Ajo tashmë është në një lidhje dhe bëhet fjalë me Sasha Sobhanin, afaristin miliarder që vjen nga Irani dhe jeton përkohësisht në Turqi.
Por kush është i dashuri i saj?
Në fakt, emri i tij është shumë i përfolur në botën arabe falë stilit të jetesës që bën e skandaleve që e kanë ndjekur ndër vite.
Ai është i biri i Ahmed Sobhani, ish-ambasador i shtetit iranian në Venezuelë që është shquar për lidhjet e afërta, përfshirë edhe ato të biznesit me liderin e dikurshëm, Hugo Chavez.
Në një intervistë të mëparshme, teksa rrëfen jetën e tij, afërsinë me Chavez i cili ka kontrolluar burimet masive të naftës e pranon edhe vetë Sobhani.
“Isha një prej miqve më të mirë të djalit të zotëri Chavez, ish President i Venezuelës. Sidoqoftë, unë gjithë jetën time e kam ndërtuar vetë dhe jo me paratë e babait. Kam nisur punë si përkthyes në moshën 15-vjeçare në Venezuelë. Tani jetoj në Dubai dhe nuk jam nën mbrojtjen e babait. Çdokush e di që as nuk më jep babai para e as i kam kërkuar ndonjëherë” – ishte shprehur Sobhani në një intervistë vite më parë.
Por në fakt, në 2012-ën ai u akuzua për vrasje, pasi një djalë i ri humbi jetën në një përleshje gjatë një feste të shfrenuar nate.
Sidoqoftë, kohë më pas ai u lirua nga akuzat.
Sasha njihet për jetën përplot skandale, me para, makina te shtrenjta dhe femra mes luksit te tepruar.
Me Morena Tarakun eshte i lidhur prej disa kohesh.
/ALBEU/