Një çift turistësh që ndodheshin me pushime në Venecia të Italisë vendosi të thyente çdo rregull duke ndërmarrë një aventurë për të “rritur adrenalinën”.
Ata vendosën që t’i thoshin lamtumirë qytetit duke u zhytur në Kanalin e Madh, dhe përfundimisht u gjobitën dhe u urdhëruan të largoheshin nga qyteti për 48 orë.
Burri 35-vjeçar dhe partnerja e tij 25-vjeçare rumune, të cilët jetojnë në Britani, u zhytën në kanal dhe u vunë re nga gondolierë të cilët kontaktuan policinë.
Sipas mediave italiane, çifti u gjobit me 450 euro dhe autoritetet i urdhëruan ata të largoheshin nga qyteti, i cili është një Vend i Trashëgimisë Botërore, për 48 orë, sipas “Daily Mail”.
