Mandatit të drejtuesit të SPAK, Altin Dumanit, po i afrohet fundit dhe Këshilli i Lartë i Prokurorisë ka vendosur datën për hapjen e garës për pasuesin e tij.
Mbledhja e KLP-së do të zhvillohet më 17 shtator, në orën 10:00, ku në rend dite është miratimi i vendimit për shpalljen e vendit vakant për drejtuesin e Prokurorisë së Posaçme kundër Korrupsionit dhe Krimit të Organizuar. Ky do të jetë hapi i parë zyrtar në procesin për zgjedhjen e kreut të ri të SPAK.
Përveç këtij vendimi, anëtarët e Këshillit do të shqyrtojnë edhe projekt-raportet e vlerësimit etik dhe profesional për disa prokurorë, mes tyre Françesk Ganaj, Ermira Manelli dhe Hysni Mulaj.
