Një kameraman në Kosovë është arrestuar, pasi ishte duke filmuar në një shkollë në Prishtinë, ku studiojnë edhe vajzat e Presidentes së Kosovës, Vjosa Osmani.
Në një deklaratë të publikuar në rrjetet sociale, Osmani ka theksuar se për pesë vite me radhë vajzat e saj kanë ndjekur shkollën publike “Ismail Qemali” në Prishtinë, përkundër sfidave të mëdha infrastrukturore e të sigurisë në atë institucion.
Presidentja u shpreh se, ndonëse siguria e fëmijëve të saj është vlerësuar me rrezikshmëri të lartë nga autoritetet, disa gazetarë kanë publikuar pamje të vajzave të saj, vendndodhjen, klasat dhe rutinën e tyre ditore – duke i ekspozuar ato ndaj rrezikut të sulmeve, kërcënimeve apo edhe rrëmbimeve.
“Fëmijët e mitur nuk janë subjekt i interesit publik politik. Në asnjë vend demokratik, rrezikimi i jetës së tyre nuk mund të konsiderohet liri e shprehjes”, ka thënë Osmani.
Ajo paralajmëroi ndërmarrjen e çdo mase ligjore për të mbrojtur fëmijët e saj nga “përndjekja e përsëritur” dhe veprimet që ajo i konsideron të rrezikshme dhe të paligjshme.
Postimi:
