Ministrja e Turizmit dhe Mjedisit, Mirela Kumbaro, foli dje në konferencën “Diplo2025”, ku ishin të pranishëm ambasadorët shqiptarë nga e gjithë bota.
Gjatë fjalës së saj, ajo e përshkroi turizmin shqiptar si një sukses (edhe pse realiteti flet ndryshe), dhe i quajti vizitorët e huaj “ambasadorë bio”.
Por mesa duket ministrja është lodhur shumë duke krijuar metafora, saqë tha: Spanja ka qenë një vend që deri para 5 vitesh kishte turistë nuk e di a bëheshin 100 a s’bëheshin. Viti 2024 numëroi 110000 vizitorë ne Spanjë.
Mesa duket, ministrja e kishte fjalën për vizitorët nga Spanja që vizituan Shqipërinë, jo për turistët brenda Spanjës (të paktën shpresojmë të jetë kështu).
Ndërkohë, Spanja e mbylli vitin 2024 me 93.8 milionë turistë ndërkombëtarë dhe shpenzime prej 126 miliardë eurosh , diferencë që i jep një ton komik deklaratës së ministres.
Deklarata e Kumbaros po bën xhiro në rrjetet sociale, ku qytetarët nuk po i kursejnë ironinë dhe talljen.
Ndërkohë që Mirela Kumbaro dhe kryeministri Edi Rama vazhdojnë të mburren për turizmin operatorët turistikë druhen se vlerësimet jo shumë të mira që Shqipëria po merr së fundmi nga turistët që sjellin agjencitë e huaja mund të na çojnë një hap pas. Turistët e huaj kanë ikur të pakënaqur, duke u ankuar për infrastrukturën e keqe të vendit dhe shërbimet e pamjaftueshme.
