I penduari i drejtësisë, Nuredin Dumani, është dërguar me urgjencë në spital pas problemeve me zemrën.
Gazetarja Klodiana Lala, e ftuar në emisionin Log. në News24, tha se mjekët kanë kryer analiza për drogë, alkool dhe dyshime për helmim.
Deri tani është përjashtuar prania e lëndëve narkotike dhe alkoolit, por pritet rezultati i analizave toksikologjike.
“Nëse konfirmohet se është helmuar, del si rasti i parë që dëshmitari i mbrojtur cedon,” tha Lala.
Është dërguar në spital dhe u pa me kujdes, edhe sepse edhe disa vite më parë ishte operuar në zemër. Ishte pacient që mund të kishte problematika.
Nuredin Dumani si i penduar i drejtësisë ka rrëfyer shumë ngjarje dhe dëshmitë e tij konsiderohen tepër të rëndësishën. Mjekët e IML kanë kërkuar që të merren disa analiza, nëse Nuredin Dumani ishte nën efektin e lëndëve narkotike, ishte nën efektin e alkoolit.
Janë marrë analiza edhe nën dyshimet për helmim. Ka dale se N.Dumani nuk ka qenë nën efektin e drogës apo alkoolit, por ende nuk ka ardhur analiza nëse është helmuar.
Mjekët kanë menduar se duhet të rikthehet në qeli. Ka një hetim nga drejtësia. Nëse del se është helmim nga agjentë të jashtëm, do ishte e rëndë. Nëse konfirmohet se është helmuar, del si rasti i parë që dëshmitari i mbrojtur cedon.”
