Në kuadër të operacionit “Koordinata”, Policia e Mirditës ka goditur një tjetër rast të kultivimit të bimëve narkotike.
Më konkretisht, gjatë kontrollit të territorit, në fshatin Ndërfanë, njësia administrative Mirditë, uniformat blu kanë zbuluar një parcelë me 85 bimë narkotike, të llojit kanabis sativa.
Si rezultat, raportohet se është arrestuar autori i dyshuar, shtetasi Petrit Luli, 53 vjeç, banues në Durrës, i cili është kapur duke u kujdesur për bimët narkotike. Këto të fundit, janë asgjësuar me anë të djegies, përveç një pjese që është sekuestruar në cilësinë e provës materiale.
Materialet procedurale i janë referuan Prokurorisë së Lezhës për veprime të mëtejshme.
