Drama mes Arbenitës dhe ish-bashkëshortit të saj, reperit Fero, po përshkallëzohet me akuza të ashpra dhe zbulime të reja familjare. Pas reagimeve të gjatë ku modelja tregoi dhimbjen dhe akuzat ndaj Feros, ajo ka përfshirë në kritikat e saj edhe babain e reperit.
Një ndjekëse anonime i ka shkruar Arbenitës, duke zbuluar se ajo është vajza biologjike e babait të Feros, pra motra e tij, të cilin nuk e ka takuar kurrë. Mesazhi pretendon se babai i reperit kishte trajtuar në mënyrë të njëjtë nënën e ndjekëses, duke përsëritur ciklin e traumës që më pas, sipas Arbenitës, Fero e kishte ushtruar ndaj saj.
Mesazhi i plotë ishte:
“Babai i tij është babai im biologjik. Ai i bëri të njëjtën gjë nënës sime atëherë. Fiks të njëjtat gjëra. Unë nuk e kam takuar kurrë Fero-n dhe as babain tim biologjik. Mamaja ime më tregoi gjithçka dhe jam krenare që ajo luftoi kaq shumë për mua. Ji e fortë dhe lufto edhe ti për veten dhe vajzën tënde. Të them vetëm këtë dhe të uroj forcë, sepse të kam ndjekur prej kohësh.”
Arbenita e publikoi mesazhin me komentin:
“Si babai, ashtu edhe i biri. Fatkeqësisht disa njerëz nuk janë mjaftueshëm të fortë për të thyer traumën që u jep familja. Një familje vërtet e sëmurë…”
Fero nuk qëndroi duarkryq. Ai publikoi reagime të ashpra në rrjetet sociale, duke sulmuar nënën e vajzës së tij dhe duke e akuzuar për vrasjen e babait:
“3 vjet më vonë… zgjohesh me akuza të rreme? Kush të mësoi ty të shkruash? Nuk di as të shkruash – analfabete… Gjykata do merret me shpifjet e tua. Ti je ajo që je në arrati – jo unë.”
Në një tjetër postim, ai shtoi:
“Ti e vrave babain tënd. Më vjen keq për ty, por më shumë për babain tënd.”
Fero ndau gjithashtu një artikull që kujtonte se babai i Arbenitës ndërroi jetë në ditën kur ajo solli në jetë vajzën e saj, duke e shoqëruar me fjalët e tij kritike.
Ngjarjet e fundit nxjerrin në pah një konflikt familjar të thellë, i përzier me akuza të forta, trauma të përsëritura dhe tensione mes ish-partnerëve që vazhdojnë të trondisin opinionin publik.
