Ditën e sotme, vendi ynë do të ndikohet nga kushte atmosferike të paqëndrueshme, duke sjellë mot të paqëndrueshëm në të gjithë territorin.
Sipas parashikimeve meteorologjike, dita do të nisë me alternime vranësirash mesatare deri të dendura dhe kthjellimesh të herëpashershme, kryesisht në zonat e ulëta.
Vranësirat do të shoqërohen me reshje shiu me intensitet të ulët në pjesën më të madhe të vendit, ndërsa në relievet malore reshjet parashikohen të jenë lokalisht deri në intensitet mesatar.
Pas mesditës, situata meteorologjike do të njohë përmirësim të ndjeshëm. Reshjet do të humbasin si në shtrirje territoriale ashtu edhe në intensitet, duke u izoluar vetëm në zonat malore, e më pas do të ndërpriten gradualisht deri në orët e mbrëmjes.
Era do të fryjë me drejtim juglindje – veriperëndim, me një shpejtësi mesatare prej 7 m/s. Në zonat luginore dhe përgjatë vijës bregdetare jugperëndimore, era do të jetë herë pas here më e fortë, duke arritur shpejtësi deri në 12 m/s.
