AF Elbasani e nisi në mënyrën më të mirë të mundshme sezonin e ri në Kategorinë Superiore, duke mposhtur 1-0 Flamurtarin në stadiumin e tij, në rikthimin e kuqezinjve në elitë pas pesë vitesh mungesë. Ndeshja u vendos nga një episod i veçantë në minutën e 34-t, kur Hoze Rodriguez, në një mosmarrëveshje të çuditshme me portierin e tij, shënoi një autogol qesharak që u dha avantazhin vendasve.
Pas golit, Flamurtari pati mundësinë të reagonte shpejt, por në minutën e 42-të Ben Shimon u ndal nga portieri Aleksovski në një duel të pastër ballë për ballë, duke shpërdoruar rastin më të artë të kuqezinjve. Në pjesën e dytë Elbasani u tregua më i rrezikshëm në kundërsulm. Diallo (59′) dhe më pas Ben Shimon (69′) kërcënuan portën e miqve, por nuk arritën të shënonin golin e sigurisë.
Flamurtari pati shansin e artë për të barazuar në minutën e 83-të, kur Baeten nuk përfitoi nga një aksion i ndërtuar në mënyrë perfekte nga Trashi dhe Maksuti. Në fund, Elbasani ishte sërish pranë golit të dytë, me Tsage që goditi shtyllën në minutën e 90+3’.
Përfundimisht, fitorja shkoi për verdheblutë, ndërsa Flamurtari do ta kujtojë debutimin e tij në Superiore pas pesë vitesh si një rikthim të hidhur, të ndëshkuar nga një autogol që ka shumë gjasa të bëhet ‘meme’ në rrjetet sociale.
