Autoriteti Kombëtar i Ushqimit (AKU) ka zhvilluar një aksion në tregun ushqimor të Shkodrës, ku gjatë kontrolleve u vendosën 8 masa administrative me gjobë dhe u bllokuan rreth 3 tonë fruta e perime që nuk plotësonin kriteret ligjore për tregtim. Inspektimet zbuluan shkelje në standardet e ruajtjes dhe mungesë dokumentacioni të origjinës së produkteve.
Megjithatë, ndërsa AKU feston “arritjet” lokale, media britanike “The Sun” ka ngritur alarmin për djathë të butë të kontaminuar të shpërndarë në Shqipëri dhe 29 vende të tjera të botës.
Sipas raportimeve, ky produkt ka shkaktuar infeksione listerioze dhe viktima në disa vende evropiane, ndërkohë që autoritetet vendase ende nuk kanë bërë asnjë reagim publik.
Ekspertët paralajmërojnë se djathi i kontaminuar mund të shitet nën emra të ndryshëm markash, duke rrezikuar kryesisht gratë shtatzëna, të moshuarit dhe personat me sistem imunitar të dobësuar.
