Rreth 50% e sipërfaqes së liqenit të Fierzës është mbushur me mbeturina të ardhura nga Kosova dhe fshatrat përreth. Vendorët e Kukësit u apelojnë insitucioneve për ndihmë, për gjetjen e një zgjidhje përfundimtare të pastrimit të liqenit.
Rritja e nivelit të ujit në Liqenin e Fierzës është shoqëruar me grumbullimin e mbetjeve plastike e organike pothuajse në të gjithë sipërfaqen e këtij liqeni.
Përballë kësaj situate aspak të këndshme për turistët, pasi Rruga e Kombit përshkron shumicën e vijës liqenore por edhe dëmtimit të pasurive nënujore, bashkia e Kukësit i ka bërë apel Institucioneve Shtetërore që të marrin masa për zgjidhjen përfundimtare të këtij problemi.
“Situata e ndotjes në sipërfaqen e Liqenit të Fierzës po bëhet gjithnjë e më problematike. Sot kjo sipërfaqe duke se është mbuluar pothuajse në 50 pëqrqind të gjithë sipërfaqes së saj. Bashkia e Kukësit i bën apel të gjithëe strukturave shtetërore, Ministrisë së Mjedisti që të ndërhyjnë, të marrin masa emergjente për ta zgjidhur njëherë e mirë këtë problem.”
Ndonëse drejtues së Ministrisë së Mjedisit të Kosovës dhe Shqipërisë, janë ulur në tryezën e bisedimeve, ende nuk është arritur zgjidhja përfundimtare e këtij problemi.
Nje vit më parë është ndërhyrë në mënyrë vullnetare nga një kompani e specializuar për pastrimin e të gjithë sipërfaqes së liqenit të Fierzës që ka zgjatur vetëm për një sezon./Oranews
