Kryedemokrati Sali Berisha ka reaguar pas miratimit nga Këshilli Bashkiak i Vlorës të projektit për ndërtimin e kullave shumëkatëshe në stadiumin “Flamurtari” dhe Pallatin e Sportit.
Në një postim në Facebook, Berisha akuzon kryebashkiakun Ermal Dredha si zbatues të verbër të urdhrave të kryeministrit Rama dhe përfaqësues të oligarkëve që, sipas tij, po grabitin qytetin.
“Përfaqesuesi i çunave të Dubait miraton urdhërin e Ramaduros për kullat e tyre të drogës! Ndiqeni sipas deshirës debatin në Këshillin Bashkiak të Vlorës!”, shkruan Berisha.
Këshilli Bashkiak i Vlorës miratoi projektin që ka nxitur debate të forta mes forcave politike dhe qytetarëve, pasi parashikon ndërhyrje të mëdha në stadium dhe Pallatin e Sportit.
Kryebashkiaku Dredha u mbrojt duke premtuar një stadium të ri modern në vend të infrastrukturës së amortizuar dhe duke theksuar përfitimet që ndërhyrja do të sillte për komunitetin.
Stadiumit të Vlorës i shtohen 6 kulla/ Rama ndryshon projektin e belgëve, “mbin” dhe një 40 katësh
