Sistemi online i Këshillit të Lartë të Prokurorisë (www.klp.al) ka rënë dhe aktualisht nuk funksionon. Përdoruesit që tentojnë të hyjnë në faqen zyrtare nuk kanë qasje dhe po përballen me probleme teknike.
Autoritetet nuk kanë dhënë ende njoftime zyrtare për shkaqet e rënies së sistemit ose kohën e rikthimit në funksionim.
Këshilli i Lartë i Prokurorisë (KLP) është institucioni përgjegjës për emërimin, vlerësimin dhe lëvizjen e prokurorëve në Shqipëri, si dhe për mbikëqyrjen e funksionimit të sistemit të prokurorisë.
Duket se edhe sistemi online i KLP-së ka vendosur të marrë pushimet e verës, për t’i dhënë qytetarëve një provë se durimi është vlerë në marrëdhënien me burokracinë.
