Një ngjarje e rëndë tronditi lagjen Anderlecht në Bruksel, Belgjikë, të dielën në mbrëmje. Mediat vendase raportojnë se një 61-vjeçar shqiptar, N.M., pronar i kafenesë “Maison Haute”, u qëllua për vdekje nga qiramarrësi i tij rreth orës 20:30.
Sipas dëshmitarëve, në kafene u dëgjuan të paktën katër të shtëna. Autoritetet konfirmuan se autori i dyshuar është arrestuar, ndërsa viktima u dërgua në spital, por nuk mundi t’u mbijetojë plagëve.
Michèle, një mike e ngushtë e viktimës, tregoi me lot në sy: “Vetëm dje në mesditë pimë një gotë bashkë. Ishte njeri i mrekullueshëm, gjithmonë i gatshëm të ndihmonte. E kisha paralajmëruar që ky qiramarrës do të sillte telashe… dhe ja ku jemi sot.”
