Një i ri është arrestuar nga Policia e Krujës në kuadër të operacionit të koduar “Koordinata”, pasi akuzohet për kultivim të bimëve narkotike. Në pranga është vënë shtetasi Florjan Kalia, 32 vjeç, banues në Thumanë.
Siç shihet edhe nga pamjet e mëposhtme, ai është filmuar me dron duke u kujdesur për parcelën me kanabis në fshatin “Miliskaj” të Thumanës dhe më pas kanë ndërhyrë efektivët duke e arrestuar. Në parcelë janë konstatuara të mbjella 110 bimë kanabis sativa.
Materialet procedurale i janë referuan Prokurorisë së Tiranës, për veprime të mëtejshme.
