Vitet kalojnë, por Cristiano Ronaldo vazhdon të bëjë atë që di më mirë, të shënojë gola. Sulmuesi luzitan shkëlqeu me tripletë golash, në miqësoren ku Al Nassr fitoi 4-0 ndaj Rio Aves.
Në takimin e zhvilluar në Portugali, sauditët ishin dominues gjatë gjithë kohës. Simakan zhbllokoi sfidën në minutën e 15-të, ndërsa goleada vazhdoi me tre gola radhazi nga Ronaldo në minutat 44, 63 dhe 68.
Paraqitje të mirë tregoi edhe Joao Felix. Sulmuesi i afruar në merkato nga Al Nassr, dhuroi dy asiste në ndeshjen ndaj bashkëkombësve të tij.
Me dy portugezë në sulm, tek Al Nassr shpresojnë se sezoni i ri do të jetë i suksesshëm sa i përket fitimit të trofeve.
