Ish-ministri i Mjedisit, Lefter Koka, ka lënë përkohësisht qelinë pas miratimit të një lejeje të kufizuar nga autoritetet. Burime për mediat bëjnë me dije se Koka ka përfituar një leje 8-orëshe për të vizituar nënën e tij të sëmurë.
Leja është e vlefshme nga ora 11:00 deri në orën 17:00 të ditës së sotme, më 7 gusht 2025. Gjatë kësaj daljeje, ish-ministri po shoqërohet nga efektivë të policisë së burgjeve.
Lefter Koka ndodhet në paraburgim që prej dhjetorit të vitit 2021, kur u arrestua nga SPAK për përfshirje në aferën e inceneratorëve. Ai akuzohet për shpërdorim detyre, korrupsion pasiv dhe pastrim parash, në lidhje me dhënien e koncesionit për inceneratorin e Elbasanit.
Hetimet zbuluan se gjatë kohës që drejtonte Ministrinë e Mjedisit, Koka dyshohet se ka përfituar miliona euro nëpërmjet kontratave të favorizuara për inceneratorët, në bashkëpunim me kompani private.
