Sonte u zhvilluan katër ndeshje të raundit të tretë të Champions League. Përveç Shkëndijës, e cila pësoi një humbje në shtëpi ndaj Qarabag me rezultatin 0-1, falë një penalltie të realizuar nga miqtë, u luajtën edhe tre përballje të tjera.
Në derbin nordik mes Malmo dhe FC Copenhagen, nuk u shënua asnjë gol, teksa takimi përfundoi në barazim 0-0.
Surpriza e kësaj nate erdhi nga sfida e zhvilluar në “Motor Lublin Arena” në Poloni, ku Dinamo Kyiv u mposht nga Pafos me rezultatin e ngushtë 0-1. Golin e vetëm të ndeshjes e shënoi Anderson Silva, vetëm pesë minuta para fundit të kohës së rregullt.
Në ndeshjen e fundit të mbrëmjes, Rangers triumfoi në shtëpi ndaj Plzen me rezultatin 3-0. Golat u shënuan nga Gassama në minutat 15 dhe 51, ndërsa Dessere realizoi penalltinë në fund të pjesës së parë. Nedim Bajrami nuk u aktivizua gjatë këtij takimi.
Ndeshjet e kthimit janë programuar të zhvillohen pas një jave.
