Skuadra e Olimpja Ljubljanës që është edhe rivalja e Egnatias, në turin e tretë të Ligës së Konferencës, po kalon një moment të vështirë, teksa mbrëmjen e djeshme u turpërua me rezultatin 0-5 në shtëpi nga Celje.
Një lajm pozitiv ky që i shkon përshtat kampionëve të Shqipërisë, që duhet të shfrytëzojnë momentin delikat që po kalojnë kundërshtarët sllovenë, për t’u kualifikuar në raundin “play off” të Ligës së Konferencës.
Ndryshimet e shumta në përbërje, nga skuadra kampione e sezonit të shkuar, kanë bërë që Olimpija të çedojë shumë, për sa i përket këtij sezoni futbollistik.
Sfida e parë mes Olimpija Ljubljana dhe Egnatias luhet më 7 gusht.
