Personi që shihni në foton e mëposhtme është Ligor Doko, pronari i hotelit “Doko” në Orikum, ku dyshohet se fshihej prej rreth 4 muajsh 42-vjeçarit Flodian Plaku, i cili ishte shpallur në kërkim si një nga tre atentatorët në vrasjen e Gentjan Bejtjas, atentat i regjistruar më 15 Mars të vitit 2024 në Larushkë të Fushë Krujës.
Ligor Doko u arrestua për veprën penale “përkrahje e autorit të krimit”. Bashkë me Dokon u arrestuan edhe Albano Lapshi, i cili i çonte ushqim në hotel Flodian Plakut, po ashtu edhe Armando Dano nga Shkodra, i cili ishte berberi që shkonte në hotel për ta qethur.
Burime për mediat bëjnë me dije se Flodian Plaku ishte në vëzhgim prej rreth dy muajsh nga Policia, teksa Ligor Doko, Flodian Plaku dhe Armando Dano dyshohet se e kanë ndihmuar gjatë kohës që ai ishte në kërkim nga autoritetet.
Mësohet se ditën e ndërhyrjes, Forcat Operacionale të Policisë së Shtetit janë vënë në ndjekje të Albano Lapshit dhe berberit Armando Danos, ku këta të fundit, pa dijenin se po ndiqeshin, i kanë çuar tek vendi ku strehohej Flodian Plaku.
Pasi janë bindur për vendodhjen e Flodian Plaku, efektivët e “Operacionales” kanë kërkuar ndërhyrja e një njësie të repartit RENEA, të cilët hynë BLIC në ambjentet e hotel “Doko”, duke mundësuan arrestimin e tij pa bërë asnjë reagim.
Veç katër shtetasve të mësipërm, Policia arrestoi edhe shtetasin Julian Aliaj, i cili ishte i armatosur me pistoletë, po ashtu edhe si Flodian Plaku. Julian Aliaj rezulton me precedent penal në trafikun e drogës, i cili është arrestuar nga autoritetet italiane si pjesë e grupit të Flodian Plakut.
lodian Plaku, pjesë e grupeve kriminale të Vlorës, ka përdorur edhe mbiemrat Mamo dhe Serjani, teksa njihet me nofkën “Pole Qorri” dhe rezulton me disa precedentë të mëparshëm penalë.
42-vjeçari nga Vlora, por që jetonte kryesisht në Greqi dhe Itali, dyshohej se fshihej në Dubai, teksa në atenatin ndaj Gentjan Bejtjas dyshohet se ka vepruar si vrasës me pagesë.
Flodian Plaku rezulton dhe si “koka” e një bande të trafikut të drogës nga Vlora drejt Italisë. Ai është arrestuar në vitin 2019 në Vlorë. Gomonet me kanabis ngarkoheshin në Shqipëri dhe dërgoheshin Brindizi dhe droga nëpërmjet korrierëve shpërndahej nga Puglia drejt Romës, Napolit, Milanos dhe Firenzes.
