Një vilë në Bllokun D të kompleksit rezidencial “Valamar”, pranë fshatit Hamallaj në Gjirin e Lalëzit, është vjedhur në orët e para të mëngjesit, rreth orës 02:40.
Vila e vjedhur është vila D35, ndërsa dëmi ekonomik ende nuk është bërë i ditur.
Sipas dëshmive të banorëve, kompania private e sigurimit “ARB Security” nuk ka reaguar në kohë, dhe ka qenë vetë komuniteti që ka njoftuar Policinë e Shtetit.
Burime policore dyshojnë se autorët e vjedhjes mund të kenë ndjekur lëvizjet në zonë gjatë fundjavës, duke u paraqitur si klientë në lokalet pranë bregdetit.
Ky nuk është rasti i vetëm i raportuar këtë verë në zonën e Gjirit të Lalëzit, ku vjedhjet e banesave, sipas burimeve jozyrtare, janë në rritje. Mungesa e raportimeve zyrtare për komplekset me sigurim privat lidhet me përpjekjet për të ruajtur imazhin e tyre, duke shmangur publikimin e ngjarjeve të tilla.
