Real Madrid ka qenë aktiv në merkato këtë verë, me 4 fytyra të reja që kanë hyrë në derë, siç janë Franco Mastantuono, Dean Huijsen, Alvara Carreras, dhe Alexander Arnold.
Të katër blerjet e reja pritet të zënë role titullari nën drejtimin e Xabi Alonsos, megjithatë, përveç largimeve të veteranëve Luka Modric dhe Lucas Vazquez, ka pasur një mungesë të madhe largimesh.
Ka spekulime për të ardhmen e Endrick Felipe dhe Rodrygo Goes, por asnjë klub nuk ka arritur t’i bindë deri tani që të largohen nga Santiago Bernabeu. Ndërkohë, Real Madrid mund të kërkojë të fitojë para nga Brahim Diaz.
Sipas Football Espana, tre skuadra nga Arabia Saudite, përkatësisht Neom SC, Al-Nassr dhe Al-Hilal, janë të gjitha të interesuara për Brahim.
Xabi Alonso i ka komunikuar atij se do të ketë një rol dytësor sezonin e ardhshëm, dhe treshja është e gatshme të paguajë 40 milionë euro për lojtarin ndërkombëtar maroken.
Interesi nga Fenerbahce është raportuar tashmë, ndërsa Arsenali dhe Milani po e ndjekin nga afër çështjen në rast se Brahimi do të bëhej i disponueshëm. Megjithatë, në këtë fazë nuk ka plane për ta ndjekur atë.
