Granit Xhaka ka arritur një marrëveshje befasuese për t’u bashkuar me Sunderlandin, duke sfiduar hapur dëshirën e trajnerit Erik ten Hag për ta mbajtur në radhët e Bayer Leverkusen.
Bisedimet mes palëve nisën në mënyrë diskrete në fillim të këtij muaji dhe sipas raportimeve, Xhaka ka shprehur menjëherë dëshirën për të kaluar në “Stadium of Light”, duke u shprehur i gatshëm të largohet nga Leverkuseni vetëm për këtë destinacion.
Marrëveshja është finalizuar për 20 milionë euro dhe mesfushori me origjinë shqiptare pritet të niset drejt Anglisë për të kryer testet mjekësore dhe firmosur një kontratë dyvjeçare me ekipin e Regis Le Bris.
Ky transferim vjen vetëm pak ditë pasi trajneri i ri i Leverkusenit, Erik ten Hag, deklaroi publikisht se Xhaka nuk ishte në shitje.
“Agjenti i tij mund të thotë çfarë të dojë, por ky klub ka lejuar tashmë tre lojtarë të rëndësishëm të largohen dhe nuk do të lejojë më të tjerë”, tha holandezi. “Granit është lider. Ka firmosur për pesë vite dhe i kanë mbetur edhe tre. Është shumë i rëndësishëm për t’u larguar.”
Megjithatë, duket se këmbëngulja e Xhakës ka rezultuar vendimtare, duke bindur drejtuesit gjermanë ta lejojnë të transferohet, pavarësisht qëndrimit të Ten Hag.
Në moshën 32-vjeçare, Xhaka rikthehet në futbollin anglez, këtë herë me misionin për të ndihmuar Sunderlandin në rikthimin e tij në Premier League.
⚪️ EXCLUSIVE: Granit Xhaka to Sunderland, here we go! Deal agreed between all parties involved.
Understand fee will be €20m, contract until 2027.
Green light from Bayer Leverkusen for the player to fly today and complete his move to #SAFC, one more ambitious signing. pic.twitter.com/1gP1IBLD0T
— Fabrizio Romano (@FabrizioRomano) July 28, 2025
