Në një ndeshje të rëndësishme europiane, Besiktas kundër Shakhtar Donetsk (2-4, më 24 korrik 2025), sulmuesi shqiptar Ernest Muçi bëri debutimin e tij në pjesën e dytë, por në vend që të linte gjurmë sportive, mori vëmendjen për një aksident të çuditshëm, që ndodhi jashtë fushës së lojës.
Një moment, kur Muçi goditi me forcë të madhe, topi përfundoi në krahun e një fotografi sportiv pranë vijës fundore të fushës. Fotografi, me dhimbje të forta pas goditjes, u dërgua menjëherë në spital, ku mjekët e diagnostikuan me dy fraktura dhe një çarje në krah.
Lajmi u përhap fillimisht në mediat turke dhe u bë publik nga postime në rrjetet sociale, ku fansa raportuan për incidentin e pabesueshëm: “Ernest Muçi i theu krahun fotografit me goditjen e tij të fortë”. Kujtojmë se kjo ndeshje po luhej në Stamboll, në kuadrin e kualifikueseve të “Europa League”.
Skuadra e shqiptarit u mund në shtëpi me rezultatin 4-2 nga ukrainasit e Shakhtar Doneskt. Ky rast ngriti sërish pyetje të rëndësishme për sigurimin e stafit mediatik në stadium (kryesisht fotografët) dhe rreziqet nga goditjet e forta, që mund të shkaktojnë dëme jashtë zonës së lojës (fushës së blertë).
