Majori Ibri, është ushtaraku i FA, i cili kërcënoi gazetarët me prerje koke, gjatë operacionin për nxjerrjen nga Liqeni i Shkodrës të helikopterit të rrëzuar të FA¬ve.
Foton e tij e ka postuar, ish kryeministri Sali Berisha në faqen e tij në “Facebook”, të cilin e akuzon se ka kërcënuar gazetarët gjatë operacionin për nxjerrjen nga Liqeni i Shkodrës të helikopterit të rrëzuar të FA¬ve.
Berisha i referohet një denoncimi nga “gazetari dixhital”, i cili thotë se nuk u lejua të filmonte momentet e nxjerrjes së helikopterit nga majori në fjalë. Ai madje shkon më tej duke thënë se është kërcënuar nga major Ibri me ‘prerje koke dhe futje në llucë’.
“Gazetari dixhital denoncon: Zëdhënësin e Mimit dhe gjeneral trafikut, që i kërcënon gazetarët me jetë; i kërcënon si taleban se do t’u presë kokat dhe do t’ua fusë ato në llucë”, shkruan Berisha. “I bëj thirrje Prokurorisë të nisë me urgjencë hetimet ndaj tij”, vazhdon ai më tej. Ndërsa mesazhi i mbërritur te Berisha shkruan: “Përshëndetje doktor! Ky në foto është major Ibri, ‘tmerri’ i gazetarëve dhe i operatorëve, dhe që na kërcënoi me jetë gjatë nxjerrjes së helikopterit. Ky ‘trimi’ na dha se në qoftë se e filmojmë do të na presë kokat dhe do të na i fuste në llucë”.
Statusi i Sali Berishës:
Gazetari dixhital denoncon:
Zedhenesin e Mimit dhe gjeneral Trafikut, qe i kercenon gazetaret me jete, i kercenon si taleban se do ju presi kokat dhe fuste ato ne balte! I bej thirrje prokurorise te nise me urgjence hetimet ndaj tij! sb
“Pershendetje doktor.Ky ne foto eshte major Ibri “tmerri” i gazetareve dhe operatore e qe na kercenoi me jete dje gjate nxjerrjes se helikopterit. Ky “trimi” na tha dje se nqs e filmojme ju pres kokat dhe jua fus ne lluce”
