Në mungesë të investimeve nga Bashkia e Elbasanit, edhe pse Gledian Llatja mbledh rregullisht taksat, banorët e fshatrave Pajun dhe Papër-Sollak u vunë vetë në lëvizje për të përmirësuar infrastrukturën.
Ata vendosën t’i financojnë nga “xhepi” i tyre punimet për shtrimin e rrugës që i lidh, duke mbushur boshllëkun që institucioni lokal dhe qendror i kishin lënë për dekada të tëra.
Pas më shumë se 20 vitesh votime pro të njëjtës forcë politike, banorët kanë marrë vetëm indiferencë dhe papërgjegjshmëri nga autoritetet lokale.
Kryetari i bashkisë së Elbasanit, Gledian Llatja kujtohet për fshatrat e largëta vetëm gjatë fushatave elektorale, por pasi merr votat i kthen shpinën duke mos plotësuar as nevojat elementare të tyre.
Në vend të investimeve publike, u krijua infrastrukturë vetjake, sepse komunitetet s’kishin alternativë tjetër.
Përkundër taksave të paguara, nuk morën asnjë shërbim, as rrugë adekuate, as ura përfunduese, as investim minimal për kalim të sigurt.
Kufizuar nga indiferenca institucionale dhe premtime të papërmbushura, banorët e dy fshatrave bashkuan forcat për të siguruar atë që shteti refuzoi ta ofrojë.
“Dua t’a bëni këtë postim me patjetër por anonim qe mos duket emri im. Fshati Pajun, Papër-sollak, kontribojnë banorët e dy fshatrave për te shtruar rrugën. Ndërkohe që partia komuniste na ka lene në harresë. Kanë 20 vite qe marrin votat 100%, bashkia nuk reagon fare as nuk do me ja dite. Faleminderit!”, thuhet ne denoncimin për JOQ.
